"Skënderbeu" i Vivaldit ngjitet në skenën e TOB-it
Nga OraNews Përditësimi i fundit 15 Nëntor 2012, 14:36
100-vjetori i pavarësisë ringjall heroin e madh kombëtar Skënderbeu duke e rikthyer në trojet shqiptare për të përmbushur ëndërrën e pavarësisë.Është kompozitori i shquar, me famë botërore Antonio Vivaldi i cili kthen në skenë e TOB operën, "Skanderbeg" pas 300 vitesh duke e sjellë për herë të parë në këtë jubile të pavarësisë të interpretuar të plotë si asnjëherë tjetër."Skandërbeg " është e vetmja vepër që ka në qendër një figurë të vërtetë, një vepër me një personazh gati të njëjtë me trajtimet historike të kohës për heroin e kombit.Drejtori I TOB-it Zhani Ciko thotë se "Skanderbeg" shënon ndoshta rastin e parë në muzikën botërore, kur në epokën e barokut dhe të klasicizmit një vepër i drejtohet një personazhi historik.“Skandërbeg" është një opera me tre akte, me libret të Antonio Salvit. Për herë të parë u shfaq në "në Firence, më 22 qershor 1718. Sot nga kjo opera kanë mbërritur vetëm disa fragmente, të cilat janë restauruar dhe do të ngjiten në skenën e TOB në datat 18,19,20 nëntor.
