Shtohen tensionet fetare në Egjipt, vritet një prift
Nga OraNews Përditësimi i fundit 7 Korrik 2013, 09:28
Një prift kopt është vrarë në Egjipt kur persona të armatosur kanë hapur zjarr ndaj tij. Prifti 39 vjeçar, Mina Aboud Sharween, është vrarë në kryeqytetin e provincës Sinai, El Arish.Incidenti kërcënon të nxisë tensionet sektare në Egjipt. Vllazëria Myslimane e presidentit të përmbysur islamist, Mohammed Morsi, ka kritikuar ashpër Papën e koptëve, Tawardos, që është lider shpirtëror i afro 8 milionë të krishterëve në Egjipt, për mbështetjen e përmbysjes së presidentit nga ushtria.Papa i koptëve, poashtu, është kritikuar për pjesëmarrjen e tij gjatë deklaratës së komandantit të forcave të armatosura të Egjiptit, Abdel Fattah al-Sisi, kur ai shpalli se e pezullon Kushtetutën e këtij vendi. Sulmi i djeshëm kundër priftit kopt u bë një ditë pasi në El-Arish u vranë pesë policë.
