Ballkani në fokus të samitit dyditor të BE-së
Nga OraNews Përditësimi i fundit 27 Qershor 2013, 09:20
Shtetet e Ballkanit do të jenë një ndër temat kryesore të samitit të liderëve të Bashkimit Evropian të enjten dhe të premten në Bruksel. Samiti pritet të formalizoj Kroacinë më 1 korrik si vendin e 28-të anëtar të BE-së, që njëherësh paraqet edhe zgjerimin e fundit që nga hyrja e Bullgarisë dhe Rumanisë që u bënë pjesë e BE në 2007.Brukseli gjatë këtyre dy ditëve pritet t'i konfirmoj Kosovës hapjen e negociatave për Marrëveshjen e Stabilizim Asociimit me BE-në. Të premten liderët evropian pritet po ashtu që të formalizojnë edhe nisjen e negociatave për anëtarësim me Serbinë.Ndërkohë për Shqipërinë në agjendë nuk është parashikuar asgjë megjithëse ndonjë fjalë e mirë për procesin zgjedhor mund të thuhet. Pas përfundmit të zgjedhjeve përmes një deklarate Chatrine Ashton dhe Stefan Fule kanë përgëzuar qytetarët e Shqipërisë për zgjedhjet parlamentare të 23 qershorit që, sipas vlerësimit të tyre, u zhvilluan në mënyrë të rregullt. Edhe ekipi i përbashkët i vëzhguesve ndërkombëtarë, OSBE ODIHR në raportin paraprak vlerësoi zgjedhjet e 23 qershorit.Edhe për Maqedninë duket se nuk do të ketë ndonjë lajm të mirë. Eurokomisioneri për zgjerim i BE-së, Shtefan Fyle ka deklaruar se vendet anëtare të BE-së kanë vendosur që të mos ketë fare datë për fillimin e negociatve me Maqedoninë në Samitin e Këshillit Evropian.
