Vllaznia afron një mbrojtës me eksperiencë në Superiore

Nga OraNews Përditësimi i fundit 8 Gusht 2023, 16:04

Vllaznia afron një mbrojtës me eksperiencë në Superiore
Pak javë pas eleminimit nga Europa, Vllaznia është rikthyer sërish në merkato për të forcuar skuadrën aktuale. Bëhet fjalë për mbrojtësin Xhelil Asani i cili sezonin e kaluar u aktivizua me fanellën e Erzenit.

Lajmin e bën të ditur vetë klubi shkodran në një komunikatë në rrjetet sociale ku shkruan:

“Klubi i Futbollit Vllaznia ka kënaqësinë të njoftojë se nga dita e sotme pjesë e familjes kuqeblu është bërë edhe futbollisti Xhelil Asani. Sezonin e kaluar ai ka qenë pjesë e Erzenit, ndërsa për dy sezonet e ardhshëm, lojtari që luan në krahun e majtë të mbrojtjes do të jetë pjesë e jona. Mirë se erdhe Xhelil!”.