Barcelona e pret "krahëhapur", titullari i Manchester City kërkon largimin
Nga OraNews Përditësimi i fundit 7 Gusht 2023, 14:51
Pas Ilkay Gundogan dhe Riyhad Mahrez, Manchester City mund të humbasë një tjetër lojtar të rëndësishëm. Bëhet fjalë për mesfushorin Bernardo Silva, ku interesin më të lartë për të e ka shfaqur Barcelona.
Eshtë vetë portugezi që kërkon një aventurë të re në karrierë, dhe sipas mediave i ka kërkuar drejtuesve të Manchester City largimin. Sipas "Mundo Deportivo", Bernardo Silva dëshiron që të luajë tek Barcelona dhe po i bën presion klubit që të largohet.
Por problemi kryesor është Guardiola, pasi spanolli nuk do të privohet nga shërbimet e Silvas. Tek Barcelona e presin krahëhapur mesfushorin portugez, pasi trajneri Xavi e shikon si zëvendësuesin ideal të Dembele që u largua drejt PSG.
