Romelu Lukaku i reziston 60 milionëve nga Arabia, ka një marrëveshje me Juventusin
Nga OraNews Përditësimi i fundit 21 Korrik 2023, 08:26
Në një kohë që po pret lajme nga Torino ku Juventusi duhet të shesë Dusan Vlahovic për t’i bërë vend, Romelu Lukaku po stërvitet në Londër bashkë me të përjashtuarit e tjerë të Chelseat, Ziyech e Aubameyang.
Bomberi belg nuk dëshiron të transferohet në Lindjen e Mesme pasi ambicja e tij është Serie A ku torinezët i kanë dhënë fjalën por fillimisht duhet të lirohen nga shërbimet e bomberit serb të cilin nuk arrijnë ta shesin për shumën e dëshiruar, më shumë se 70 milionë euro.
Vetëm në këtë rast drejtuesit e Juventusit do të shpenzonin 40 milionë për kartonin e sulmuesit që tradhëtoi edhe Interin për Zonjën e Vjetër. Ndërkohë në Arabi, Al Hilal ka gati 50 milionë për Chelsean dhe 60 të tjera për një kontratë 2-vjeçare me lojtarin.
Me Juventusin Lukaku ka një parakontratë për tre sezone me 9 që do të arkëtojë për një vit dhe 27 në total por çështja vazhdon të mbetet pezull.
