Kina ndalon raportimin ditor të infektimeve dhe vdekjeve nga Covid-19
Nga OraNews Përditësimi i fundit 12 Janar 2023, 17:39
Kina ndaloi raportimin e rasteve dhe vdekjeve me Covid kur Organizata Botërore e Shëndetësisë rinovoi kërkesën e saj për një pamje më të saktë të situatës.
Hera e fundit që vendi publikoi përditësime për Covid daton të hënën e kaluar me rreth 15,000 infeksione të reja dhe tre vdekje të regjistruara.
Në një njoftim zyrtar, zyrtarët shëndetësorë në Pekin thanë në dhjetor se Kina do të kalonte në raportet mujore si pjesë e uljes së menaxhimit të virusit nga 'Sëmundja A' në 'Sëmundja B', pa dhënë një datë specifike për ndryshimin.
Por ndërkohë, autoritetet shëndetësore po kërkojnë që të mos vizitohen familjarët e moshuar që nuk janë infektuar ende gjatë festës së gjatë të Vitit të Ri Hënor - nga 22 janari deri më 5 shkurt - në mes të valës masive të Covid- 19 që po godet vendin.
Guo Jianëen, një nga ekspertët në ekipin e qeverisë qendrore për parandalimin e pandemisë, tha "ju mund të tregoni se kujdeseni për ta duke mos e sjellë domosdoshmërisht virusin në shtëpinë e tyre”.
Autoritetet shëndetësore kanë vlerësuar kulmin e infeksioneve për këtë javë në disa provinca dhe qytete, përfshirë Pekinin dhe Shangain, duke vënë në dukje "frikë serioze" për gjendjen e zonave rurale.
Përveç nxitjes së njerëzve që të mos udhëtojnë, autoritetet rajonale janë urdhëruar të sigurojnë një përgjigje adekuate, duke përfshirë të paktën dy javë mjekim.
Komunitetet lokale janë keshilluar të organizojnë grupe shoferësh për të transportuar të infektuarit në nevojë kur ambulancat nga institucionet mjekësore nuk mund të arrijnë në kohë.
Kina, e cila deri një muaj më parë vazhdonte të ndiqte politikën drakoniane të 'tolerancës zero' ndaj Covid-it, po ul gjithashtu nivelet e ulëta të vaksinimit tek të moshuarit.
