Irlandë, edhe alkooli me etiketa paralajmëruese si duhani: I dëmshëm për shëndetin
Nga OraNews Përditësimi i fundit 12 Janar 2023, 16:35
Irlanda do të jetë në gjendje të miratojë një etiketë për verën, birrën dhe pijet alkoolike me paralajmërime të tilla si 'pirja e alkoolit shkakton sëmundje të mëlçisë' dhe 'alkooli dhe kanceret fatale janë të lidhura drejtpërdrejt'.
Rregulli u njoftua në qershor nga Dublini në Bruksel, i cili - me periudhën e moratoriumit që ka skaduar në fund të dhjetorit 2022 - konfirmoi se autoritetet kombëtare mund të miratojnë ligjin tashmë.
Miratimi vjen pavarësisht mendimeve të kundërta të Italisë, Francës dhe Spanjës dhe gjashtë shteteve të tjera të BE-së, të cilat e konsiderojnë masën një pengesë për tregun e brendshëm.
Për Dublinin, konsumi i rëndë i alkoolit është një emergjencë kombëtare shëndetësore dhe justifikon etiketat që duhet të përmbajnë: një paralajmërim për dëmet e konsumit të alkoolit, një paralajmërim për lidhjen e tij të drejtpërdrejtë me kanceret vdekjeprurëse, sasinë e alkoolit në gram (në vend të përqindjes), kaloritë, një piktogram mbi rreziqet për shtatzëninë dhe një link me një faqe interneti për alkoolin dhe shëndetin.
Disa vende e kundërshtuan masën, sepse ajo krijon fragmentim në tregun e brendshëm dhe është joproporcionale, veçanërisht në funksion të një konfrontimi në nivel BE-je për këtë çështje.
Drita jeshile ndaj standardit irlandez krijon kushtet që vendet e tjera të miratojnë një etiketë të tillë, siç rekomandohet edhe nga OBSH.
