Rrugët e Tiranës makth për këmbësorët dhe shoferët. Gropat “ngujojnë” edhe fëmijët
Nga OraNews Përditësimi i fundit 28 Dhjetor 2022, 14:49
Shumë rrugë në Tirane janë lënë pa investim prej vitesh. Pavarësisht thirrjeve të banorëve, Bashkia që drejtohet nga Erion Veliaj nuk ka kryer asnjë ndërhyrje në zonën e Yzbershtit.
Teksa kryetari i Bashkisë së Tiranës Erion Veliaj promovon rrugët e asfaltuara në rrjete sociale, duket se e ka harruar këtë segment.
Këto pellgje me ujë gjenden në rrugën “Jorgo Panajoti” që të lidh me rrugën “Zef Jubani”.
Gropat janë shqetësues e për drejtuesit e automjeteve, të cilat rrezikojnë të shkatërrohen.
Fëmijët nuk kanë se ku të luajnë.
“Nuk luajmë dot. Bëhemi pis”, thotë një vogëlush për mikrofonin e “Ora News”.
Ata bëjnë thirrje për marrjen e masave.
“Duam një fushë ku të luajmë, e të mos bëhemi pis”, thonë të vegjlit.
Apel për rregullimin e rrugës bëjnë dhe të rriturit
“Unë dua të bëhet gjithmonë më e mira”, thotë banori.
Kjo rrugë ka shumë vite në këtë gjendje të amortizuar, ku dita-ditës po degradon edhe më shumë dhe pavarësisht thirrjeve dhe kërkesave të banorëve të zonës në bashki, ende nuk ka marrë zgjidhje kjo situatë problematike.
Shenim: *Ky është artikull ekskluziv i Ora News, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Artikulli mund të ripublikohet nga mediat e tjera vetëm duke cituar “Ora News” bashkëngjitur me linkun e artikullit origjinal.
