“Të përjashtuarit” e Gjirokastrës” Banorët e Viroit ankohen: Kujtohen vetëm kur vjen fushata
Nga Entiola Budo Përditësimi i fundit 18 Dhjetor 2022, 16:33
Banorët e zonës së Viroit në Gjirokastër ndjehen të përjashtuar nga diskriminuar nga bashkia e drejtuar nga Flamur Golemi. Mungesa e infrastrukturës për pasojë të së cilës përmbyten sa herë ka shi, është shqetësimi kryesor.
Pas reshjeve të shiut, uji mbetet i pranishëm për ditë më radhë në këtë zonë të banuar të Viroit në Gjirokastër.
Banorët thonë përmbytjet e vazhdueshme me të cilat përballen janë pasojë e punëve të ashtuquajtura elektorale të studiuara për pasojat, por vetëm për votat.
Rruga që vite më parë u shtrua më çakull nuk ka kanalizime. Asfalti dhe ndërhyrja për sistemimin e plotë ka mbetur premtim i harruar fushatash.
“E bënë pirg këtu. Hajde të marrin votat se do të na bëjnë rrugën. Ku do të vejnë ujërat e zeza. Nuk vjen njeri këtu.”
Shkëputjet e energjisë elektrike janë një tjetër hall për banorët e Viroit kryesisht gjatë dimrit.
“Sistemimi i ujërave është problem dhe kërkohet investim që nuk e përballon dot bashkia.”
Viroi, është një ndër shumë lagjet e Gjirokastrës ku bashkia sipas banorëve nuk ka ndërmarrë asnjë investim serioz për tu dhënë zgjidhje problematikave kryesisht në infrastrukturë.
Shënim: *Ky është artikull ekskluziv i Ora News, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Artikulli mund të ripublikohet nga mediat e tjera vetëm duke cituar “Ora News” bashkëngjitur me linkun e artikullit origjinal.
