Moti i keq: Devijohen 10 fluturime në drejtim të Rinasit, ulen në Shkup, Athinë, Stamboll dhe Bari
Nga OraNews Përditësimi i fundit 13 Dhjetor 2022, 20:08
Tirana International Airport ka njoftuar se 10 fluturime janë anuluar për shkak të kushteve të këqija të motit.
Ndërkohë, një pjesë e pasagjereve, fluturimet e të cilëve janë anuluar apo janë zhvendosur në aeroportet (Shkup, Athinë, Stamboll, Bari, Venecia) janë akomoduar përreth këtyre aeroporteve ndërkombëtare.
Kompania ajrore Wizz Air ka siguruar gjithashtu transportin e pasagjerëve nga Aeroporti Ndërkombëtar i Shkupit drejt Tiranës.
Disa pasagjerë iu është ofruar mundësia për rimbursim ose janë sistemuar në fluturime për destinacionet përkatëse.
Gjashtë avionë të linjës ajrore Wizz Air janë ulur në aeroportin e Shkupit për shkak të mjegullës ndërsa një fluturim me destinacion Luton-Tiranë është anuluar për shkak të dëborës në Londër.
Moti i keq ka shkaktuar probleme edhe fluturimeve të kompanive ajrore si Pegasus dhe Air Albania, Lufthansa.
Nesër, të mërkurën, më datë 14 dhjetor 2022, pritet që situata të normalizohet.
