Tragjedi në Greqi, i riu shqiptar vret me plumb në kokë partneren: Isha në efektin e kokainës- FOTO
Nga OraNews Përditësimi i fundit 3 Dhjetor 2022, 19:49
Një i ri shqiptar vrau me armë zjarri partneren e tij po shqiptare në Greqi. Ngjarja ka ndodhur mëngjesin e kësaj të shtune, në Pire.
Siç raportojnë mediat greke, 25-vjeçari T.W ka qenë në efektin e drogës, konkretisht të kokainës, kur ka qëlluar të dashurën 19-vjeçare B.K brenda banesës që ata ndanin, në rrugën Vamva 18.
Pas një debati mes tyre, 25-vjeçari ka marrë armën dhe ka qëlluar në kokë partneren e tij teksa ajo ishte ulur në divan.
Banesa ku jetonin çifti
Më pas ai dyshohet se e ka fshehur armën në ngrirjen e frigoriferit dhe është dorëzuar në komisariat ku ka thënë:
“Është koha të dorëzohem sepse kam vrarë partneren në banesë” .
Policia shkoi menjëherë në vendngjarje ku gjeti trupin e vajzës fatkeqe në një pellg gjaku. Më pas dhe armën në frigorifer.
Banesa ku jetonin çifti
Autori mësohet se ka qenë gjithmonë tepër xheloz për partneren e tij, por këtë herë përleshja e ka çuar në vrasjen e saj.
Pasi ka marrë armën pistoletë, të cilën siç ka treguar ua kishte blerë prej një viti rumunëve, ai e ka qëlluar në kokë.
Në foto: Viktima dhe autori i dyshuar i vrasjes
Sipas informacioneve, vrasësi punonte në një lokal në Troumba si banakier, ndërsa viktima punonte në një lokal në Kallithea.
Foto të tjera nga shqiptari nën akuzë për vrasjen e partneres
