Dimri erdhi, qytetarët: Do ngrohemi me batanije, s’kemi mundësi të blejmë dru
Nga Iris Rezhda Përditësimi i fundit 22 Nëntor 2022, 15:37
Teksa temperaturat janë ulur ndjeshëm dhe në shumë zona të vendit ka nisur të bie dëborë, në juglindje qytetarët kanë ndezur zjarret për ngrohje. Në Korçë shprehen se çmimet e larta të druve kanë bërë që sasia e blerë të reduktohet këtë vit, dhe ngrohja të bëhet edhe me batanije.
Malet e Korçës u rrëthuan me dëborë të marten.
Ulja e temperaturave bëri që qytetarët të ndiznin zjarrin në shtëpi për ngrohje.
Çmimi i lartë i energjisë elektrike, dhe kriza ekonomike ka bërë që ngrohja me korrent të reduktohet.
Qytetarët thonë se dhe çmimi i druve këtë vit është mjaft i lartë dhe i papërballueshëm për ta.
“Kemi blerë 75 mijë lekë metri, ëshët shumë e vështirë.”
“Drutë vajtën shumë shtrenjtë, është vetëm fillimi.”
“Është shumë shtrenjtë.”
Ata që kanë më pak mundësi, zgjidhjen e vetme i kanë batanijet.
“Tani ne 2 veta jemi, me të kursyer, pensionistë.”
“Në dorë të perëndisë jemi, me se do të ngrohemi?”
“Me batanije do të ngrohemi, me plakën të mbështillemi atje.”
Në bashkitë e juglindjes ka çmime të ndryshme të tregëtimit të drurit të cilat variojnë nga 35 mijë lekë në bashkinë e Ersekës e deri ne 85 mijë lekë në atë të Korçës e cila ka mungesë të drurit të zjarrit.
