Shkodër/ Reduktohet sipërfaqja e përmbytur, 23 familje të evakuara

Nga OraNews Përditësimi i fundit 22 Nëntor 2022, 08:23

Sipas të dhënave të fundit nga Bashkia Shkodër gjatë orëve të fundit ka patur një përmirësim të situatës së krijuar nga reshjet. Nga 1458 Ha sipërfaqe e përmbytur dje, sot rezulton vetëm 1685 Ha, 23 familje të evakuara.

Ndërkohë dje sipërfaqja nën ujë arriti deri në 4356 ha tokë

Vështirësitë më të madhe janë në zonën e Nënshkodrës, Guri I Zi, Dajçi e Ana e Malit.

"Vështirësitë më të madhe janë në zonën e Nënshkodrës, Guri I Zi, Dajçi e Ana e Malit e Bërdicën  që janë të përmbytura me prezencë uji në toka. Situata u përkeqësua gjatë ditës së djeshme dhe pardjeshme pasi pati shkarkime nga hidrocentralet e kaskadës së Drinit, të cilat sipas KESH u përballën me prurje të shumta që diktuan shkarkimet. Përmbytjet kanë shkaktuar dëme" informon gazetari Bepin Kolvata.

Nga monitorimi në terren ditën e sotme datë 22.11.2022,ora 10.00, situata e përmbytjeve në terren vazhdon të jetë si më poshtë:
 
• Hidrometri i Liqenit të Shkodrës në orën 10.00,shënon kuotën 7.70m, (nga 7.67 m qe ishte ne oren 08.00).(Kuota max 8.70 m).

• Hidrometri i lumit Drin në orën 10.00,shënon kuotën 5.50 m, (nga 5.90 m qe ishte ne oren 08.00). (Kuota max 7.50 m).
 
Bashkia Shkodër
 
Siperfaqe totale e përmbytur 1458 Ha, (nga 1685 Ha te ores 08.00) 
 
Nj.A. Ana e Malit
 
1. Sipërfaqja e tokës bujqësore e përmbytur vlerësohet në 700 Ha, (nga 900 Ha qe ishte ne oren 08.00), kryesisht në fshatrat Obot, Muriqan,Oblikë
 
2. Rruga e Obotit - Niveli i ujit mbi rrugë arrin rreth 5 cm, (nga 40 cm qe ishte ne oren 08.00).Rruga eshte e kalueshme.

3. Ujësjellësi Oblika 1 dhe 2,si pasojë e përmbytjeve është jasht funksionit
  
Nj.A Dajç

1.Sipërfaqja e tokës bujqësore e përmbytur vlerësohet në 120 Ha, (nga150 Ha qe ishte ne oren 08.00), kryesisht në fshatrat Mushan, Shirq, Pentar.

2. Rruga Darragjat-Shirq në vendin e quajtur Urrelat e Shirqit nuk ka presence te ujit, (nga mbi 15cm ujë qe ishte ne rren 08.00).
 
 Nj.A.Velipojë
 
Sipërfaqja e tokës bujqësore e përmbytur vlerësohet në 135 Ha. Kryesisht fshatrat Baks, Luarz. Ças.
 
Nj. A. Guri i Zi
 
Sipërfaqja e tokës bujqësore e përmbytur vlerësohet në 300 Ha, kryesisht në fshatrat Kuç dhe Rrenc.

Verehet nje grreyrje e tokave bujqesore ne bregun e lumit Drin ne vendin e quajtur Mali i Vukatanit, ne nje gjatesi prej 800 ml. 
 
Nj.A.Bërdicë

Sipërfaqja e tokës bujqësore e përmbytur vlerësohet në 200 Ha, konkretisht në fshtrat Trush.
 
Familje të evakuara aktualisht:
 
Janë 23 familje, (nga 26 familje te raporuara sipas ores 08.00) të evakuara, gjithsej 86 (nga 99 qe ishte ne oren 08.00) persona, kryesisht nga Njësitë Administrative :
 
Nj. Administrative Guri I Zi, 13 familje, 57 persona,jane te evakuara 30 krerë gjë e gjallë, të imta.

Nj. Administrative Bërdicë, 2 familje (8 persona)
Lagja nr. 1,  2 familje ( 7 përsona)
 
Të akomoduar në konvikte 3 familje ndërsa pjesa tjetër tek të afërmit .
 
Nuk ka shtepi me presence uji, (nga 5 banesa qe ishin ne oren 08.00).