Në Durrës shiu përmbyt rrugët, pezullohet lundrimi i Peshkarexhave në det
Nga OraNews Përditësimi i fundit 5 Nëntor 2022, 11:59
Me rrugë të bllokuara nga uji u zgjuan qytetarët e Durrësit të shtunën e 5 nëntorit.
Disa pemë ishin thyer e kishin rënë në rrugë.
Reshjet e shiut të rëna gjatë natës shkaktuan problematika të shumta në qytetin bregdetar.
Moti i keq ka shkaktuar problematika edhe në Vlorë ku lundrimi për mjetet e peshkimit dhe mjetet e vogla janë pezulluar deri në një njoftim të dytë.
Ndërkohë edhe në Sarandë tragetet e linjës Sarandë - Korfuz dhe anasjelltas nuk janë lejuar të qarkullojnë.
Edhe anijet e peshkimit dhe mjetet e vogla janë njoftuar që të mos dalin në lundrim, njofton kapiteneria Sarandë.
Reshjet e shiut dhe përkeqësimi i moit kanë qenë shkak edhe të disa aksidenteve në Fier, e Kukës mëngjesin e së shtunës, por pa pasoja në njerëz.
