Sunak dhe Macron zotohen të bashkëpunojnë për kalimet e emigrantëve në Kanalin Anglez
Nga OraNews Përditësimi i fundit 28 Tetor 2022, 18:27
Mbretëria e Bashkuar dhe Franca janë zotuar të rrisin bashkëpunimin për të trajtuar kalimet e emigrantëve në Kanalin Anglez, tha Doëning Street.
Rishi Sunak mbajti telefonatën e tij të parë, që kur u bë kryeministër, me Presidentin Emmanuel Macron të premten.
Doëning Street ka refuzuar të japë detaje mbi ndonjë plan të ardhshëm ose kur do të bëhet një njoftim.
Por zoti Sunak thuhet se ka "theksuar rëndësinë që të dy kombet ta bëjnë rrugën e Kanalit krejtësisht të paqëndrueshme për trafikantët".
Në vitin 2021, Mbretëria e Bashkuar ra dakord t'i paguante Francës 54 milionë funte për të rritur patrullimet përgjatë bregdetit verior të Francës.
Një raport, në The Times, thotë se Sunak dëshiron të mbyllë një marrëveshje të re me Francën, duke përfshirë objektivat për numrin e anijeve të ndaluara.
Mbretëria e Bashkuar dhe Franca janë përplasur vitet e fundit për të drejtat e peshkimit pas Brexit, paktin e sigurisë AUKUS dhe migrimin.
Në nëntor 2021, 27 njerëz vdiqën në tragjedinë më të keqe të regjistruar të emigrantëve në Kanal.
Ka spekulime se Sunak mund të krijojë një marrëdhënie më pozitive me presidentin francez sesa dy paraardhësit e tij.
