Grevat në centralet bërthamorë rrezikojnë përballimin e dimrit në Francë
Nga Amado Çela Përditësimi i fundit 21 Tetor 2022, 14:18
Edhe pse është vendi i vetëm në BE që prodhon energji bërthamore, stina e dimrit është në rrezik nëse nuk punojnë të gjithë reaktorët nuklearë. Një pjesë e termocentraleve janë të bllokuar për shkak të protestave të punëtorëve duke ndërprerë edhe furnizimin me energji.
Kreu i rregullatorit të energjisë franceze, Emmanuelle Wargon ka bërë thirrje që të gjithë reaktorët bërthamorë në vend të rifillojnë punën ndërsa shteti përballet me rrezikun e ndërprerjes energjetike gjatë dimrit.
"Është thelbësore që puna të rifillojë sa më shpejt të jetë e mundur. Duhet t’i fusim në punë të gjithë reaktorët bërthamorë."
Ajo i lëshoi këto deklarata duke komentuar një sulm që ka ndaluar një të tretën e Reaktorëve të Francës.
Vendi prodhon afërsisht 70% të energjisë elektrike së saj përmes 56 reaktorëve bërthamorë.
20 prej reaktorëve janë prekur nga grevat e punëtorëve dhe puna është pezulluar gjithashtu në 17 të tjerë për shkak të mirëmbajtjes.
Grevat në termocentralet bërthamore kanë vazhduar prej disa javësh, së bashku me protestat në rafineritë dhe depot në pronësi të kompanive kryesore të naftës TotalEnergies dhe ExxonMobil, duke shkaktuar ndërprerje masive në furnizimin me karburant në vend.
Sindikatat po kërkojnë paga më të larta për punëtorët pasi inflacioni në vend është rritur në 6%.
Lëvizja e protestës në sektorin e energjisë vjen në një kohë kur Franca pret që prodhimi i saj bërthamor të arrijë në nivelin më të ulët në 30 vjet këtë vit, për shkak të një numri rekord të ndërprerjeve të reaktorit të shkaktuar nga problemet e korrozionit dhe mirëmbajtjes së planifikuar.
