SHBA: Sulmet ruse kanë bashkuar më tepër perëndimin
Nga OraNews Përditësimi i fundit 12 Tetor 2022, 14:14
Forcat ruse nisën sulme masive me raketa kundër Kievit dhe qyteteve të tjera të Ukrainës të hënën, në atë që Putin tha se ishte hakmarrje për bombardimin e urës së Krimesë.
"Sulmet raketore të Rusisë ndaj Ukrainës kanë nxjerrë në pah "ligësinë dhe mizorinë" e saj, por nga ana tjetër, bashkuan më tej komunitetin ndërkombëtar për të mbështetur përpjekjet ushtarake të Ukrainës për t'u mbrojtur", tha sot sekretari amerikan i mbrojtjes Lloyd Austin.
Duke folur në fillim të një takimi të përqendruar te Ukraina në selinë e NATO-s, Austin vlerësoi arritjet ushtarake të Ukrainës që nga shtatori, duke i quajtur ato "të jashtëzakonshme" dhe duke thënë se ato kishin ndryshuar dinamikën e luftës.
"Këto fitore u përkasin ushtarëve të guximshëm të Ukrainës. Por ndihma, trajnimi dhe përpjekjet e mbështetjes së Grupit të Kontaktit për sigurinë kanë qenë jetike," shtoi ai, duke iu drejtuar mbledhjes së udhëheqësve të mbrojtjes, përfshirë ata nga Ukraina.
