Papa Françesku reagon mbi 'bombardimet e pamëshirshme' të qyteteve të Ukrainës
Nga OraNews Përditësimi i fundit 12 Tetor 2022, 11:42
Papa Françesku reagoi mëngjesin e sotëm mbi "bombardimet e pamëshirshme" të Rusisë në qytetet e Ukrainës.
Duke iu drejtuar audiencës së përgjithshme javore në sheshin e Shën Pjetrit në Vatikan, Papa u bëri thirrje "atyre që kanë fatin e luftës në duart e tyre" të ndalojnë.
Të paktën 26 persona janë vrarë në të gjithë vendin në ofensivën më të madhe ajrore të Moskës që nga fillimi i pushtimit të saj më 24 shkurt.
Papa është kritikuar vazhdimisht për faktin se nuk ka përmendur në mënyrë të qartë Rusinë në dënimet dhe reagimet e tij.
