Një tërmet i fortë me magnitudë 5.1 ballë në godet Greqinë
Nga OraNews Përditësimi i fundit 9 Tetor 2022, 09:31
Një tërmet i fortë me magnitudë 5.1 ballë të shkallës Rihter ka goditur në orën 01:02 të së dielës Fokidan në Greqi.
Sipas Institutit Gjeodinamik, epiqendra e tërmetit ishte 12 km në jug të Desfinës, ndërsa thellësia fokale është 13.3 km.
Sipas Qendrës Sizmologjike Euro-Mesdhetare, tërmeti ka qenë me magnitudë 5.1 ballë të shkallës Rihter dhe epiqendra ka qenë 16 kilometra në juglindje të Iteas.
Tërmeti është ndjerë veçanërisht në Atikë si dhe në shumë rajone të tjera të Greqisë.
Banorët e Xylokastros raportuan se tërmeti ishte shumë i fortë në qytetin e tyre dhe ngjalli kujtime të tërmetit të vitit 1999.
Gjithashtu banorët nga Galaksidi dhe Eratini e përshkruan tërmetin si intensiv, por me kohëzgjatje të shkurtër dhe me një gjëmim të fortë. Deri më tani nuk ka raportime për dëme.
Banorët e zonave përreth pranë epiqendrës dolën në rrugë të frikësuar dhe janë të shqetësuar për pasgoditjet, pasi zona e Korintit është veçanërisht e rrezikshme.
Deri tani ka pasur më shumë se dhjetë pasgoditje në Corinthiakos, ku shumica e pasgoditjeve ishin në intervalin 0.9 deri në 1.3 ballë.
Gjeodinamika theksoi se pasgoditjet që kanë ndodhur në zonë janë mjaft të dobëta, për pasojë nuk regjistrohen nga sistemi i automatizuar.
