Greqi/ Detaje mbi vdekjen tragjike të 35 vjeçarit që u gjet me fyt të prerë
Nga Ora News Përditësimi i fundit 5 Tetor 2022, 08:08
Detaje të reja janë zbuluar rreth ngjarjes tragjike në Chania të Greqisë, Kretë, ku shqiptari 35 vjeçar ka humbur jetën nga prerja e fytit me sharrë elektrike.
Sipas mediave greke, ngjarja e rëndë ndodhi pas orës 11 të mëngjesit dhe u dëshmua nga shoku i viktimës dhe bashkëshortja e tij, të cilët u përballën me pamje shokuese.
Ata njoftuan menjëherë autoritetet, të cilët mbërritën në vendngjarje së bashku me ekipin e shpëtimit.
Sipas vlerësimeve të para të mjekut, si dhe dëshmive të bashkëshortes dhe shokut të tij, 35-vjeçari fatkeq - i cili mësohet të ketë qenë babai i dy fëmijëve - ka qenë duke krasitur ullinjtë me sharrë elektrike, por humbi kontrollin, gjë që i shkaktoi vdekjen vetëm pak momente më vonë.
Vdekja e menjëhershme bëri që ekipet e shpëtimit të mos arrinin të ofronin asnjë ndihmë.
