Gjetën 260 monedha ari në dyshemenë e shtëpisë, çifti i shet në ankand për 754 mijë paund
Nga OraNews Përditësimi i fundit 8 Tetor 2022, 09:36
Një thesar prej më shumë se 260 monedhash ari të zbuluara nga një çift nën dyshemenë e kuzhinës së tyre gjatë rinovimeve është shitur për 754,000 paund në ankand.
Koleksioni, i gjetur nën një shtëpi në Ellerby, East Yorkshire në vitin 2019, u vu re brenda një poçi të fshehur nën një dysheme të shekullit të 18-të.
Monedhat, që datojnë nga 1610-1727, i përkisnin Fernley-Maisters, një familje e përfshirë në tregtinë balltike.
Monedhat u shitën përfundimisht te dhjetëra blerës në lote individuale nga ankandet e Spink & Son në Bloomsbury, Londër.
"Interesi kishte ardhur nga koleksionistë privatë nga e gjithë bota, përfshirë në Amerikë, Evropë, Australi, Kinë dhe Japoni", tha drejtori i ankandit, Gregory Edmund.
Ai e quajti çmimin përfundimtar të shitjes "absolutisht të jashtëzakonshëm".
Shtëpia e ankandeve e quajti koleksionin "një nga grumbullimet më të mëdha të monedhave angleze të arit të shekullit të 18-të të gjetura ndonjëherë në Britani".
Identiteti i çiftit që gjeti thesarin mbetet i pazbuluar.
Z. Edmund tha:"Përfytyroni skenën: ju po zgjidhni të riparoni dyshemenë e kuzhinës tuaj, ju vendosni një sëpatë mbi beton dhe poshtë shihni një copë të vogël ari."
"Në atë kohë, ju mendoni se duhet të jetë thjesht një kabllo elektrike, por ju zbuloni se është një disk i rrumbullakët ari dhe poshtë tij ka qindra të tjerë."
“Nuk do të shoh më kurrë një ankand si ky”, shtoi ai.
