Kjo anije u përpoq të paralajmëronte Titanikun për ajsbergun, tani shkencëtarët kanë gjetur rrënojat e saj
Nga OraNews Përditësimi i fundit 29 Shtator 2022, 16:59
Rrënojat e një anijeje që u përpoq të paralajmëronte RMS Titanic për ajsbergun që e fundosi atë në udhëtimin e saj të parë, janë gjetur në fund të detit Irlandez.
Anija tregtare britanike me avull SS Mesaba i dërgoi Titanikut një mesazh paralajmërues në radio më 15 prill 1912 ndërsa po kalonte Atlantikun. Mesazhi u mor nga Titaniku, por nuk arriti në qendrën kryesore të kontrollit të anijes.
Më vonë atë natë, Titaniku goditi ajsbergun dhe u fundos. Më shumë se 1500 njerëz vdiqën në atë që mbetet anija më famëkeqe në botë.
Mesaba vazhdoi si një anije tregtare derisa u sulmua nga një nëndetëse gjermane në vitin 1918. Njëzet njerëz humbën jetën, përfshirë komandantin e anijes.
Vendndodhja e saktë e saj ishte e panjohur për më shumë se një shekull, por shkencëtarët tani kanë gjetur rrënojat e Mesaba duke përdorur hidrolokator me shumë rreze. (Një hidrolokator është një sistem për zbulimin e objekteve nën ujë dhe për matjen e thellësisë së ujit duke emetuar pulsime të zërit dhe zbulimin ose matjen e kthimit të tyre pas reflektimit.).
Mjeti i studimit në det të hapur përdor valët e zërit për të mundësuar hartografimin e shtratit të detit në detaje të tilla sa që superstruktura mund të zbulohet në imazhet e hidrolokatorit, duke lejuar studiuesit në Universitetin Bangor dhe Universitetin Bournemouth në Mbretërinë e Bashkuar të identifikonin mbytjen e anijes në Detin Irlandez.
Kjo ishte hera e parë që studiuesit ishin në gjendje të lokalizonin dhe identifikonin rrënojat, sipas një deklarate të lajmeve.
Detajet e të gjitha rrënojave janë botuar në një libër të ri nga McCartney, "Echoes from the Deep".
