Gjykata e Posaçme pranon kërkesën e ish-truprojes së Sajmir Tahirit për gjykim të shkurtuar
Nga Keti Banushi Përditësimi i fundit 26 Shtator 2022, 11:49
Gjykata e Posaçme ka pranuar kërkesën e Hekuran Markut për gjykim të shkurtuar.
Në seancën paraprake, kur dosja kaloi për gjykim, ish-truproja i Saimir Tahirit kërkoi gjykim të shkurtuar, kërkesë e cila u pranua këtë të hënë nga GJKKO.
Ai akuzohet për trafik narkotikësh në kuadër të grupit të strukturuar kriminal.
Për shkak të gjykimit të shkurtuar nëse Marku do të dënohet, i zbritet 1/3 e dënimit.
Ndaj tij nisën hetimet si pjesë e një grupi kriminal, mes të cilëve edhe Agustin Deda, edhe ky truprojë tjetër i Tahirit.
Më 1 prill Marku u ekstradua nga Gjermania, për tu përballur këtu me akuzat. Marku e Deda akuzohen se janë përfshirë në trafikun e drogës të zbuluar nga operacioni “Shpirti”.
