Nxënësit e "Mehmet Akif" para kryeministrisë, reagon Rama: Të protestojnë kundër pronarëve që shitën shkollën
Nga Ora News Përditësimi i fundit 26 Shtator 2022, 10:49
Kryeministri Edi Rama ka reaguar nëpërmjet një postimi në Twitter për protestën e fëmijëve për mbylljen e shkollës "Mehmet Akif".
Ai ka deklaruar se nxënësit duhet të protestojnë kundër pronarëve që e shitën shkollën dhe e spostuan aktivitetin pa marrë lejen përkatëse.
"Nxënëset e shkollës së mbyllur të protestojnë kundër pronarëve që shitën godinën e shkollës dhe e spostuan aktivitetin gjetkë, pa marrë leje sipas ligjit e pa respektuar rregullat e parashikuara ligjërisht! Ministria e Arsimit dhe Sportit ka zbatuar ligjin si në raste të tjera," shkroi ai.
Nxënëset e shkollës së mbyllur të protestojnë kundër pronarëve që shitën godinën e shkollës dhe e spostuan aktivitetin gjetkë, pa marrë leje sipas ligjit e pa respektuar rregullat e parashikuara ligjërisht! Ministria e Arsimit dhe Sportit ka zbatuar ligjin si në raste të tjera.
— Edi Rama (@ediramaal) September 26, 2022
Megjithatë drejtuesit e shkollës kanë deklaruar më parë se në fund të vitit shkollor 2021-2022 u ndjenë të detyruar për të ndryshuar goditën, për të garantuar një ambjent të denjë, duke deklaruar se kanë patur një leje nga Ministria e Arsimit si dhe të gjitha dokumentet përkatëse.
