Zjarr në fshatin Dukat të Vlorës, forcat zjarrrfikëse dhe banorët në aksion për shuarjen e flakëve
Nga OraNews Përditësimi i fundit 15 Shtator 2022, 17:29
Një zjarr me përmasa të madha është përhapur në zonën e fshatit Dukat.
Zjarri i ndihmuar dhe nga era vijon të djegë kryesisht shkurre që ka mali i Dukatit.
Për shuarjen e flakëve kanë shkuar forcat e zjarrrfikseve por dhe banorë.
Ditën e sotme ka pasur disa vatra zjarri në rrethin e Vlorës. Në Jonufër zjarrëfiksit ditën e sotme kanë shuar një vatër zjarri.
Sipas zjarrëfikseve kjo është dhe periudha ku barinjtë apo dhe personat që kërkojnë të mbijë bari i ri i vendosin zjarrin , por pa menduar pasojat që ai mund të shkaktojë.
