Financimet ruse, Yuri Kim pas takimit: Të rritet transparenca e financimeve të fushatave partiake
Nga OraNews Përditësimi i fundit 15 Shtator 2022, 15:05
Ambasadorja e SHBA Yuri Kim ka zbardhur takimin e bërë me përfaqësuesit politikë ditën e sotme lidhur me shqetësimet e financimeve ruse në vendin tonë.
Ambasada bën me dije se një kërcënim i tillë nënvizon rëndësinë që ka rritja e transparencës në financimin e fushatave, regjistrimi i enteve të huaja, si dhe masat për të identifikuar dhe parandaluar pastrimin e parave.
SHBA: Ambasadorja e SHBA Yuri Kim u takua me Kreun e Komisionit Qendror të Zgjedhjeve Ilirjan Celibashi dhe përfaqësues të partive politike sot për të diskutuar kërcënimin serioz të financimeve të fshehta politike ruse si dhe kanosjen që kjo paraqet për demokracinë dhe përpjekjet anti-korrupsion.
Kërcënimi i financimit të fshehtë politik rus nënvizon rëndësinë që ka rritja e transparencës në financimin e fushatave, regjistrimi i enteve të huaja, si dhe masat për të identifikuar dhe parandaluar pastrimin e parave. Shtetet e Bashkuara do të vazhdojnë të punojnë me partnerë në të gjitha institucionet demokratike të Shqipërisë për mbrojtjen ndaj këtyre kërcënimeve.
