Barazim i pavlerë pa gola në Durrës, Teuta dhe Kukësi nuk bëjnë dëme
Nga OraNews Përditësimi i fundit 9 Shtator 2022, 19:48
Kukësi reziston për më shumë se 45 minuta dhe me prekjen e fatit del me një pikë të vuajtur nga "Niko Dovana" ku Teuta qan rastet e humbura dhe ashtu si skuadra verilindore, duhet të presë ende për fitoren e parë sezonale.
Braziliani Ferreira u dëshkua me të kuq nga kryesori Ferataj me ndihmën e VAR pasi ndaloi njeriun e fundit Hebaj që i drejtohej portës së Tafas dhe qe prej minutës së 45, Kukësi u detyrua të luante me një lojtar më pak.
Raste të shumta nga dyshja Vila por të artin e pati në këmbë Gruda qe gaboi në mënyrë të pabesueshme duke falur miqtë ende në kërkim të një identiteti të qartë.
Edhe Qirko në krahun tjetër ndaloi Kukësin në ato pak tentativa të pjesës së dytë dhe ndeshja e parë e javës së 4 mbyllet në paqe.
