Pogradec/ Duhej të rrinte në shtëpi, policët i vënë prangat kolegut në lokal
Nga Iris Rezhda Përditësimi i fundit 9 Shtator 2022, 08:51
Një punonjës policie është arrestuar pasi theu masën e sigurisë.
Në 18 maj 2022 efektivi Enea Qose, u arrestua pasi akuzohet se shpërdoroi detyrën duke marrë rryshfet nga një shtetas kosovar.
Për të gjykata kishte vendosur pezullimin dhe hetimin me masën e sigurimit personal të “Arrestit në shtëpi”
Por mbrëmjen e 8 shtatorit 2022, rreth orës 22:30 policia në bashkëpunim me Agjencia e Mbikëqyrjes Policore, kanë bërë të mundur arerstimin në flagrancë në ambjentet e një biznesi Bar Kafe në lagjen Nr. 4 Pogradec, duke thyer masën e “Arrestit të shtëpisë” të vendosur nga Gjykata e Shkallës së Parë Pogradec, në kuadër të procedimit penal nr.163, viti 2022 (në hetim).
Materialet e para hetimore janë referuar në Prokurorinë pranë Gjykatës së Shkallës së Parë Pogradec për veprime të metejshme.
