Rusët 'vrapojnë' për të mbuluar humbjet e luftës, kryeministri firmos ndërtimin e dy fabrikave për tanket
Nga OraNews Përditësimi i fundit 6 Shtator 2022, 19:24
Kryeministri rus urdhëron ndërtimin e fabrikave në Moskë dhe Rostov. Ukrainasit pretendojnë se ushtria ruse ka humbur më shumë se 2000 tanke.
Kryeministri rus Mikhail Mishustin ka nënshkruar një urdhër të qeverisë për ndërtimin e dy fabrikave të reja të blinduara dhe riparimit të pajisjeve, të cilat do të jenë në varësi të Ministrisë së Mbrojtjes, shkruan faqja e internetit Medusa.
Një fabrikë që do të ndërtohet në rajonin e Moskës do të punësojë 365 punëtorë dhe e dyta në rajonin e Rostovit do të punësojë 227 punëtorë.
Mishustin udhëzoi Ministrinë e Mbrojtjes që brenda dy muajve të emëronte drejtuesit e fabrikave dhe t'i regjistronte brenda katër muajve.
Sipas shtabit të përgjithshëm të forcave të armatosura të Ukrainës, që nga fillimi i luftës, ushtria ruse ka humbur më shumë se 2000 transportues të blinduar të personelit.
