Lufthansa tërhiqet dhe rrit pagat, anulohet greva e pilotëve
Nga OraNews Përditësimi i fundit 6 Shtator 2022, 16:35
Pilotët e Lufthansa nuk do të hyjnë në grevë nesër (e mërkurë 7 shtator) siç ishte parashikuar, pasi u arrit një marrëveshje e minutës së fundit midis sindikatës Vereinigung Cockpit (VC) dhe menaxhmentit të linjës ajrore për çështjen e rritjes së pagave.
Sindikata kishte paralajmëruar një grevë për nesër dhe të enjten për avionët e pasagjerëve dhe për të premten për mallrat, por "një marrëveshje është arritur" dhe greva po anulohet, tha zëdhënësi i saj.
Lufthansa nuk pranoi të komentojë mbi marrëveshjen.
VC tha se baza e një pakete gjithëpërfshirëse të pagave dhe çështjeve strukturore është rënë dakord, e cila do të detajohet në ditët në vijim.
Ai nuk dha detaje të tjera, por theksoi se "mjafton" të ndërpritet greva.
Sindikata kishte kërkuar rritje 5.5% të pagave në mënyrë retroaktive deri në 1 korrik, si dhe një rritje prej 8.2% në 2023 për të mbuluar humbjet për shkak të inflacionit më të lartë.
