Totti dhe Blasi jetuan për 12 muaj të ndarë nën të njëjtën çati
Nga OraNews Përditësimi i fundit 6 Shtator 2022, 09:53
Francesco Totti dhe Ilary Blasi kanë jetuar të ndarë nën të njëjtën çati për pothuajse një vit dhe këtë e kanë bërë për hir të fëmijëve.
“La Repubblica” publikon të dhëna interesante nga dosja ligjore që do të shkojë drejt gjykatës për të zyrtarizuar divorcin e ish-kapitenit të Romës me bionden e ekranit italian.
Sipas të dhënave, Francesco dhe Ilary qëndronin në të njëjtat hapësira për t’i dhënë edhe një mundësi lidhjes por kriza u thellua dhe asgjë nuk funksioni. Gjatë kësaj periudhe, Totti nisi të shoqërohej me të fejuarën aktuale, Noemi Bocchi.
