Momente tmerri në Indi, platforma bie 15 m poshtë bashkë me njerëzit në të, organizatorët ia mbathin (VIDEO)
Nga Ora News Përditësimi i fundit 5 Shtator 2022, 13:41
Një xhiro në një nga pajisjet e panairit në Indinë Veriore ka përfunduar tragjikisht, pasi ra në tokë duke plagosur mbi 20 persona.
Në rrjetet sociale ka qarkulluar dhe video e momentit kur ajo rrëzohet nga lartësia 15 metra në një panair në Punjab të Indisë veriore.
Stafi i menaxhimit të karnavalit dhe anëtarët e panairit u larguan nga vendi i ngjarjes pas përplasjes, raportuan mediat lokale.
Policia ka hapur një hetim mbi për të zbardhur shkaqet që ccuan drejt aksidentit më 4 shtator.
Të shokuar mbetën edhe vizitorët e panairit që u larguan të tmerruar nga vendet e tyre teksa platforma përplasej në tokë.
Në video ata dëgjohen duke bërtitur, teksa të afërm e miq të tyre kishin rënë bashkë me platformën.
Të paktën 15 persona janë plagosur në aksident, përfshirë fëmijë, ndërsa pesë janë shtruar në spital.
