Tragjike: Po bënte foto gjatë fejesës, dhëndri goditet për vdekje nga rrufeja
Nga OraNews Përditësimi i fundit 28 Gusht 2022, 20:21
Një dhëndër ka vdekur pasi u godit nga rrufeja teksa po pozonte për foto fejese në një pikë të njohur turistike.
Tragjedia ndodhi të mërkurën në malin e Dëborës së Jade Dragon të Kinës në provincën Yunnan.
Burri, i cili është quajtur nga mediat lokale si Ruan, u godit nga një rrufe gjatë një fotosesioni me të fejuarën e tij në Spruce Meadow, një vend i njohur piktoresk. Ai u dërgua me urgjencë në spital ku u shpall i vdekur.
Autoriteti lokal i motit kishte lëshuar një alarm të verdhë për bubullima dhe rrufe - i treti më i lartë në sistemin e paralajmërimit me katër nivele të Kinës - rreth gjysmë ore para se të godiste rrufeja.
Pavarësisht stuhive, çifti vendosi të vazhdonte me fotosesionin e planifikuar. Ata që qëndruan pranë viktimës mbetën të padëmtuar.
Fotot treguan se ekuipazhi i shpëtimit që e mbante burrin në barelë në shi të dendur.
Kjo ngjarje erdhi disa ditë pasi një nënë britanike u godit nga rrufeja para vajzës së saj në një plazh në Kroaci.
48-vjeçarja mbeti në gjendje kritike pasi u godit teksa po bënte banjo dielli me vajzën e saj në një plazh pranë qytetit të Splitit në jug të vendit.
