Rekord: Policia sekuestron rreth 2 ton metamfetaminës me vlerë 1.6 miliardë dollarë
Nga OraNews Përditësimi i fundit 28 Gusht 2022, 18:34
Një sasi e madhe metamfetamine që shkon në 1.8 tonë është gjetur në Australi.
Ky zbulim i jashtëzakonshëm ndodhi në Sydney dhe policia pretendon se është kapja më e madhe ndonjëherë e kësaj droge.
Ajo theu rekordin e mëparshëm të ngarkesës prej 1.6 tonë e cila u gjet në Melburn pasi u transportua nga Bangkok në prill 2019. Droga ishte fshehur në altoparlantë dhe bëri që tre persona të akuzoheshin për krimin.
Tre burrat e arrestuar janë të moshës 24, 26 dhe 34 vjeç, ndërsa treshja kërkon dënime të përjetshme nëse shpallen fajtorë për trafik droge. Atyre u është refuzuar lirimi me kusht pasi u paraqitën në gjykatë.
Droga ishte e fshehur brenda mermerëve dhe destinacioni i synuar ishte një fabrikë në Sidnein perëndimor. Nuk është e qartë se sa shpesh ishte përdorur fabrika.
Vlera në rrugë e drogës në Australi është shumë më e lartë se në shumë vende të tjera dhe policia beson se vlera e ngarkesës kap vlerën e 1.6 miliardë dollarëve australianë (1.1 miliardë dollarë).
Shefi i Detektivit të Policisë, John Watson tha: “Ky konfiskim do të ndihet për javët në vazhdim nga shumë furnizues të nivelit të lartë, të mesëm dhe të ulët.”
