Rusia bllokon marrëveshjen e traktatit bërthamor se pati referenca për Ukrainën
Nga OraNews Përditësimi i fundit 27 Gusht 2022, 12:40
Rusia ka bllokuar miratimin e një deklarate të përbashkët nga një konferencë e Kombeve të Bashkuara për çarmatimin bërthamor.
Traktati i Mospërhapjes Bërthamore, i cili rishikohet nga 191 nënshkruesit e tij çdo pesë vjet, synon të parandalojë përhapjen e armëve bërthamore.
Rusia kundërshtoi draft tekstin duke përmendur "shqetësimin e madh" mbi aktivitetet ushtarake rreth centraleve bërthamore të Ukrainës, në veçanti Zaporizhzhia.
As pjesëmarrësit në rishikimin e fundit në 2015 gjithashtu nuk kishin arritur një marrëveshje.
Takimi i vitit 2022, i cili duhej të ishte në vitin 2020, u vonua për shkak të pandemisë Covid-19.
Dështimi për të rënë dakord për një deklaratë të përbashkët pasoi një konferencë katër-javore në Nju Jork, raporton BBC, transmeton Ora News.
Ministrja e jashtme australiane, Penny Wong, tha se ishte "thellësisht e zhgënjyer" nga mungesa e marrëveshjes.
"Rusia pengoi përparimin duke refuzuar të bëjë kompromis për tekstin e propozuar të pranuar nga të gjitha shtetet e tjera," tha ajo.
Përfaqësuesja e SHBA-së, ambasadorja Bonnie Jenkins, tha se SHBA-ja "ndjen keqardhje të thellë për këtë rezultat, dhe aq më tepër për veprimet e Rusisë që na çuan këtu sot".
