Aksidentohet makina e ushtrisë në Himarë, plagosen shoferi dhe dy ushtarë
Nga OraNews Përditësimi i fundit 24 Gusht 2022, 17:18
Një automjet i ushtrisë u aksidentua pasditen e sotme në Himarë. Ngjarja ka ndodhur rreth orës 16:30, në vendin e quajtur “Qafa e Vishës”.
Shtetasi P. N., 64 vjeç, duke drejtuar një automjet të ushtrisë, dyshohet se ka humbur kontrollin mbi drejtimin e mjetit dhe për pasojë mjeti është përplasur me bordurën anësore të rrugës.
64-vjeçari, së bashku me 2 prej ushtarakëve që udhëtonin në këtë mjet, shtetasit G. H., 23 vjeç dhe J. Ll., 32 vjeç, ndodhen në spitalin e Himarës, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
