Duke kënduar e kërcyer brenda festës së ‘shfrenuar’, kryeministrja finlandeze: Videot s’duhet të bëheshin publike
Nga OraNews Përditësimi i fundit 19 Gusht 2022, 13:33
Kryeministrja finlandeze Sanna Marin e ka pranuar se ka bërë festë "në një mënyrë të zhurmshme" pas publikimit të videove private, por tha se është e zemëruar që pamjet, të cilat shkaktuan kritika nga kundërshtarët politikë, u zbuluan në media.
Videot treguan Marin, udhëheqësen 36-vjeçare të Finlandës, duke kërcyer me miqtë në një mjedis privat.
"Këto video janë private dhe të filmuara në një hapësirë private. Më vjen keq që këto u bënë të njohura për publikun," u tha Marin gazetarëve në Kuopio, Finlandë.
"Kam kaluar një natë me miqtë e mi. Festuam në mënyrë të zhurmshme. Kam kërcyer dhe kënduar", tha ajo.
Videon e kryeministres u bë virale ndërkohë që solli dhe reagime të shumta, ku disa deputetë i kanë kërkuar që t’i nënshtrohet testit të drogës .
Marin u tha gazetarëve se kishte konsumuar alkool, por ajo nuk ishte në dijeni të ndonjë përdorimi të drogës gjatë festës. Mbështetësit ndërkohë e kanë mbrojtur atë. Marin ka mohuar se publikimi i videove ishte pjesë e një skeme shantazhi.
Nuk është hera e parë që jeta private e Marin politizohet në Finlandë. Ajo më parë i kërkoi falje publikut në vitin 2021 pasi u shfaq një foto e saj në një klub nate.
