Absurdi në SHBA/ 16-vjeçarja është e papjekur për të kryer abort, por jo për të qenë nënë
Nga OraNews Përditësimi i fundit 18 Gusht 2022, 21:04
Në moshën 16-vjeçare ajo u deklarua "jo mjaftueshëm e pjekur" për të kryer një abort, por "mjaft e pjekur" për t'u bërë nënë.
Është ky vendimi i diskutueshëm i një Gjykate të Apelit të Floridës për rastin e një të miture, pa prindër, e cila kishte kërkuar të ndërpriste shtatzëninë e saj, e cila arriti në javën e dhjetë.
Fillimisht vajzës iu dha drita jeshile nga një gjyqtare femër në kontenë Escambia, Jennifer Frydrychoëicz, e cila kishte pranuar kërkesën për të anashkaluar ligjin e Floridas, sipas të cilit një e mitur nuk mund të abortojë pa pëlqimin e prindërve ose një kujdestar ligjor.
Ajo ka shpjeguar se “nuk është gati të ketë një fëmijë”, se nuk ka punë për ta mbajtur dhe se vazhdon ende të ndjekë shkollën.
Të gjitha arsyet e konsideruara të vlefshme për gjyqtarin, por të gjykuara të pamjaftueshme nga Gjykata e Apelit.
Në mungesë të babait, e mitura tha se me vendimin e saj ishte dakord edhe kujdestari, një i afërm i saj.
Ky aspekt nuk u pranua as në shkallën e dytë.
Kështu kërkesa u rrëzua nga dy nga tre gjyqtarët e shkallës së dytë.
"Vajza, shkruanin ata, "nuk tregoi me prova të qarta dhe bindëse se ishte mjaft e pjekur për të vendosur nëse do t'i jepte fund shtatzënisë".
Njëri prej të treve kishte shprehur një mospajtim të pjesshëm, duke ftuar t'ia kalonte çështjen gjyqtarit, por kolegët kundërshtuan.
Rasti ka ngjallur polemika sepse ekspozoi mospërputhjet e ligjit fundamentalist të miratuar nga Florida, i konsideruar si shteti i ri taleban në bregun lindor.
Si mund ta konsiderosh një të mitur jo të pjekur për të kryer abort, por një të rritur të bëhet nënë, edhe nëse ajo nuk dëshiron?
Në të paktën tridhjetë e gjashtë shtete kërkohet përfshirja e prindërve në vendimin e të miturit. Florida është një nga gjashtë shtetet që kërkon që të paktën një prind ose kujdestar të njoftohet për qëllimin e një vajze për të ndërprerë shtatzëninë. Dhe, natyrisht, ju duhet pëlqimi.
Ligji, i nënshkruar nga guvernatori republikan Ron DeSantis në vitin 2020, përfaqësonte një fitore për konservatorët, të cilët prej vitesh po përpiqeshin të anashkalonin vendimin e Gjykatës së Lartë, të marrë në vitin 1989, e cila refuzoi njoftimin e prindërve, duke e konsideruar si shkelje serioze e privatësisë.
Sipas organizatave pro abortit, procedura e re vë në rrezik shëndetin e të miturit, edhe sepse nuk konsideron se këto raste ndodhin shpesh në familje dhe mjedise jofunksionale ku ka një marrëdhënie inekzistente me prindërit, të cilët mund të jenë për një për një kohë të gjatë, mungon ose nuk ka më.
Por edhe ky element nuk u mor në konsideratë.
