Kim uron shqip: Pishtari i shenjtë mes Shqipërisë dhe SHBA shndrin më shumë se kurrë
Nga OraNews Përditësimi i fundit 28 Korrik 2022, 22:50
Qytetarëve të pranishëm në sheshin "Skënderbej" ju drejtua me një videomesazh edhe mbasadorja e SHBA në Shqipëri, Yuri Kim.
Gjatë fjalës së saj Kim, u shpreh se pishtari i miqësisë mes dy vendeve shndrin më shumë se kurrë ndërsa thekson se populli shqiptar është po aq krenar sa ai amerikan që e ka trashëguar këtë pishtar dhe i vendosur ta mbajë lart në rrugën e përbashkët përpara.
Kim: 100 vite më parë Shtetet e Bashkuara të Amerikës dhe Shqipëria ranë dakord të njihnin njëra tjetrën dhe të vendosnin marrëdhëniet diplomatike. Duke e bërë këtë Amerika dhe Shqipëria ndezën një pishtar të shenjtë që përcjellë brez pas brezi.Edhe gjatë ditëve më të errëta të diktaturës komuniste kjo flakë u mbajt ndezur nga amerikanët dhe shqiptarët, në fshehtësi por nuk u la kurrë të shuhej. Sot ky pishtar i shenjtë shndrin më shumë se kurrë. Nuk kam aspak dyshim se populli shqiptar është po aq krenar sa populli amerikan që ka trashëguar këtë pishtar dhe po aq i vendosur për të mbajtur lart që të ndriçojë rrugën e përbashkët përpara. Gjithmonë bashkë, gjithmonë përpara. Gëzuar edhe 100.
Diplomatja amerikane ishte dhe fizikisht në koncertin për negociatat dhe 100 vjetorin e marrëdhënieve SHBA-Shqipërisë sëbashku me presidentin Begaj, kryeministrin Rama dhe ministra të kabinetit qeveritar.
