Zjarri shkrumbon banesën në Gjirokastër, shkak bombola e gazit
Nga Entjola Budo Përditësimi i fundit 18 Korrik 2022, 21:49
Një banesë në fshatin Kolonjë të Gjirokastrës është shkrumbuar nga zjarri mbrëmjen e sotme.
Burime për Ora News, bëjnë me dije se banesa në pronësi të Luan Hoxhës, ka marrë flakë si pasojë e shpërthimit të bombolës së gazit në furnelën e gatimit.
Si pasojë e zjarrit mësohet se nuk ka të lënduar, por vetëm dëme të shumta materiale.
Në momentin që ka rënë zjarri, në banesë ishte vetëm e zonja e shtëpisë, e cila ishte duke gatuar në momentin që ka shpërthyer bombola e gazit.
Zjarrfikësit e mbërritur në vendngjarje nuk mundën të shpëtojnë gjë prej saj.
7 efektivë zjarrfikëse janë angazhuar për të neutralizuar flakët, si dhe për të shpëtuar banesën ngjitur.
Njoftimi i policisë
Rreth orës 21:20, në fshatin Kolonjë, Gjirokastër, ka marrë flakë banesa e shtetasit L. H.
Nuk ka dëme në njerëz.
Në vendngjarje ndodhen shërbimet e policisë dhe zjarrfikëse, të cilët po punojnë për shuarjen e zjarrit.
Grupi hetimor po punon për zbardhjen e shkaqeve të rënies së zjarrit.
