Shumë i vogël për familjen Ronaldo, Cristiano nxjerr në shitje avionin 25 milionësh
Nga OraNews Përditësimi i fundit 4 Korrik 2022, 22:54
Cristiano Ronaldo nxjerr në shitje avionin privat pasi ka një problem, jo teknik por praktik...nuk ka hapësira të mjaftueshme për familjen e tij. Charteri që ka kushtuar plot 25 milionë euro i blerë në vitin 2015 nga luzitani, duket se i ka bërë ditët e tij në shërbim të portugezit që ka vendosur ta shesë për një tjetër me hapësira më të bollshme.
“Gulfstream G200” është marka e avionit që ka shëtitur Ronaldon dhe familjen e tij në çdo cep të Europës. Udhëtimet më të shpeshta të numrit 7 kanë qenë drejt Portugalisë, toka me të cilën mbetet shumë i lidhur.
Charteri arrin shpejtësinë deri në 600 km/h dhe mban deri në 8 njerëz njëkohësisht, ndërsa blerësi i ri do të përfitojë një avion me shërbimet Wi-Fi, telefon, fax, mikrovalë, frigorifer dhe një sistem argëtimi.
