Financat e partive, KQZ propozon ndryshimin e ligjit: 80 parti kanë 4 palë zgjedhje që nuk marrin pjesë
Nga OraNews Përditësimi i fundit 22 Qershor 2022, 11:14
"Janë rreth 80 parti që nuk kanë marrë pjesë në të paktën në 4 zgjedhjet e fundit. Këto edhe shumë të tjera që nuk kanë përfituar fonde publike dhe nuk ka gjurmë të aktivitetit të tyre politik, pra duket se këto parti nuk ekzistojnë”
Deklarata u bë nga kreu i Komisionit Qendror të Zgjedhjeve, Ilirjan Celibashi në konferencën me titull “ Integriteti dhe Besimi në zgjedhje”
Celibashi vuri theksin dhe tek kontrolli i financave të partive dhe kërkoi dhe ndryshim në ligj.
KQZ propozon që të kontrollohen fillimisht partite qe marrin pjesë fillimisht në zgjedhjet e fundit parlamentare
“Në vlerësimin tonë ligji duhet të ndryshojë për të vendosur prioritetin në lidhje me kontrollin financiar nga KQZ. Partitë pjesëmarrëse në zgjedhjet e fundit duhet ti nënshtrohen domosdoshmërisht kontrollit dhe verifikimit financiar"
Në kushtet kur kapacitetet e KQZ, asnjëherë nuk do të jenë të tilla që në mënyrë kapilare të bëhen mbikqyrje dhe kontrolle të 131 partive ligji duhet të parashikojë që ky institucion ti fokusojë resurset e veta njerëzore financiare në partitë që marrin pjesë në zgjedhje më së pari dhe më pas të tjerat. Për të tjerat mund të bëhet me sistem shorti.
Përsa i përket KQZ, në kuadër të mbikqyrjes së kontrollit dhe transparencës së financimeve politike, Celibashi tha se po punohet për të përmisuar në çdo aspekt dhe në çdo pike pamje metodologjike gjithë procesin teknik të punës që lidhet me kontrollin dhe transparencën e financimit të partive politike.
