DETAJI i krimit në Maliq: Autorët lanë shapkat anës rezervuarit të dukej si vetëvrasje. E kërcënuan të hiqte dorë nga njohja me një vajzë
Nga Iris Rezhda Përditësimi i fundit 18 Qershor 2022, 12:55
Pas asaj që ishte inskenuar të dukej si vetëvrasje në të vërtetë ishte një vrasje e mirëfilltë. 26 vjeçari Martin Çeço është mbytur me litar dhe më pas është hedhur në rezervuarin e Kolanecit në Maliq.
Autorët për tu dukur se ishte vetëvrasje kishin lënë dhe shapkat e viktimës anës rezervuarit.
Autorët dyshohet se e kanë nxjerrë nga shtëpia 26 vjeçarin rreth orës 23:00. Kjo ka qenë dhe arsyeja që ai ka qënë i veshur si në shtëpi më tuta, bluzë dhe shapka.
"U dokumentua se tre shtetasit e arrestuar, në bashkëpunim me njëri-tjetrin, më datë 12.06.2022, kanë marrë viktimën M. Ç., në fshatin Kolanec, dhe pasi e kanë vrarë (mbytur), për motive të dobëta, kanë hedhur trupin e tij në rezervuar, për të mbuluar ngjarjen dhe për të inskenuar një vetëvrasje të 26-vjeçarit" informon sot policia e Korçës
Ndërkohë burimet bëjnë me dije se pas këtij krimi fshihet një lidhje dashurie që 26 vjeçari kishte me një vajzë me të cilën komunikonte vazhdimisht.
Autorët i kanë kërkuar të riut që të ndërpriste bisedën me të renë por ai nuk ka pranuar.
Burimet bëjnë të ditur se edhe i ati e ka ditur për këtë marrëdhënie dhe i ka kërkuar djalit që të ndërpriste bisedën me vajzën.
Vetë motra I ka kërkuar babait të bënte denoncimin e zhdukjes së të vëllasë ndërsa 26 vjeçari nuk kishte mbaruar as shkollën 9 vjeçare dhe as nuk dinte as të shkruante as të lexonte.
Viktima nuk lëvizte nga fshati i tij dhe merrej vetëm me prerjen e lëndëve drusore me babanë e tij.
Në pranga si autorë të dyshuar të vrasjes së Martin Çeços janë Bleti Angjo, Valter Mollaj dhe Edlir Mollaj.
Të arrestuarit
- Bleti Angjo, 38 vjeç, banues në fshatin Peshkëpi, Pogradec (i dënuar më parë për vjedhje);
-Valter Mollaj, 43 vjeç, banues në fshatin Marjan, Korçë;
- Edlir Mollaj, 35 vjeç, banues në fshatin Marjan, Korçë.
