Itali/ Po rregullonin ngarkesën e furgonit, kamioni përplas për vdekje dy persona dhe largohet
Nga Ora News Përditësimi i fundit 16 Qershor 2022, 11:03
Dy burra kanë humbur jetën pasi u shtypën nga një kamion në unazën e jashtme të Milanos.
Drejtuesi i kamionit nuk është ndalur për tu dhënë ndihmë të plagosurve, por është larguar me shpejtësi nga vendi i ngjarjes.
Një dëshmitar në vendin e ngjarjes telefonoi 118 dhe policia mbërriti në vendngjarje ku gjeti të pajetë dy burrat.
Viktimat 51 dhe 55 vjeç dolën nga furgoni i tyre i bardhë për të rregulluar ngarkesën që kishte lëvizur dhe u goditën fatalisht nga kamioni.
Policia u vu në ndjekje të shoferit të kamionit i cili u vendos në arrest shtëpie.
