“Gjobë ose 3 vjet burg” Pas vetëvrasjes së 22-vjeçares, Japonia miraton ligjin kundër fyerjeve në internet
Nga OraNews Përditësimi i fundit 15 Qershor 2022, 19:27
Kanë kaluar pak më shumë se dy vjet që kur Hana Kimura ka vrarë veten. Kimura kishte marrë abuzime raciste nga fansat në internet të reality show Terrace House, në të cilin ajo ishte një konkurrente.
Qeveria e Japonisë tashmë ka ndërmarrë një hap drejt frenimit të mundshëm të fyerjeve të tilla në të ardhmen.
Qeveria japoneze miratoi legjislacionin të hënën që rriti dënimin për "fyerjet në internet" në deri në një vit burg dhe një gjobë prej rreth 2,200 dollarë.
Ligji kishte disa kritikë të shqetësuar për efektin që do të kishte në lirinë e fjalës në vend, kështu që u shtua një dispozitë për të rivlerësuar ligjin në 3 vjet për të vlerësuar ndikimin e tij në lirinë e shprehjes.
Fillimisht dënimi për "fyerjet në internet" kishte qenë jo më shumë se 30 ditë burg dhe një gjobë prej 75 dollarësh.
Një burrë që u shpall fajtor për ngacmimin kibernetik të Kimura-s u gjobit me 66 dollarë dhe gjithashtu thuhet se i kërkoi falje familjes së Kimura-s.
Ligji i ri përcakton dallimin mes fyerjes dhe shpifjes, duke thënë se fyerjet janë komente nënçmuese që nuk paraqesin asnjë lloj fakti, ndërsa shpifja i referohet komenteve nënçmuese duke treguar fakte specifike.
Kimura ishte 22 vjeç kur i dha jetën vetes dhe vdekja e saj frymëzoi anëtarët e tjerë të Terrace House që të shfaqnin përvojat e tyre të ngacmimeve në internet.
Nëna e Hanës, Kyoko Kimura, ka bërë fushatë për ligje më të forta kundër ngacmimit pas vdekjes së vajzës së saj, si dhe ka themeluar organizatën "Remember Hana".
