Rajoni në tension, ashpërsohen tonet mes Turqisë dhe Greqisë
Nga Ora News Përditësimi i fundit 15 Qershor 2022, 10:01
Konflikti për ishujt e Egjeut ka shtuar përplasjet në distancë mes Greqisë dhe Turqisë.
Presidenti turk Rexhep Tayip Erdogan ka paralajmëruar hapur Greqinë për ishujt në Egje.
Media gjermane RDN ka ngritur shqetësimin rreth kësaj çështjeje, nëse Erdogan do t’i hapë luftë shtetit grek.
Ndërkohë shefi i NATO-s, Jens Stoltenberg pak ditë më parë i bëri thirrje të dyja palëve, të që dialogojnë dhe t’i japin fund përplasjeve mes tyre sidomos në një kohë Europa po përballët me luftën ruse në Ukrainë.
Media greke Prototema sheh pas kërcënimeve të Erdogan arsyet e brendshme politike dhe zgjedhjet e ardhshme presidenciale.
“Kreu i shtetit turk do të bëjë gjithçka për të fituar zgjedhjet e ardhshme. Mund të rrezikojë edhe një luftë me Greqinë fqinje,” shkruan prototema, duke shtuar se po përpiqet të dëshifrojë aspiratat e Erdoganit.
“Nuk përjashtohet mundësia që Erdogan të nisë anije amfibe dhe të tentojë të pushtojë një ose më shumë ishuj grekë, por nuk ka shumë gjasa. Ka më shumë gjasa që Turqia të përpiqet të nënvizojë pretendimet e saj sovrane në hapësirën ajrore mbi Egje”, thotë media greke.
