Vuçiç betohet si president, thotë se do të mbrojë integritetin territorial të Serbisë “me Kosovën si pjesë të saj”
Nga Ora News Përditësimi i fundit 31 Maj 2022, 11:28
Presidenti serb Aleksandër Vuçiç është betuar në Kuvendin Kombëtar, pas fitores së mandatit të dytë, në zgjedhjet presidenciale të 3 prillit.
Vuçiç fitoi raundin e parë të zgjedhjeve të rregullta me 58.59% të votave të përgjithshme.
Në fjalën e tij ai deklaroi se do të ishte një president i të gjithëve, i pari në obligime dhe i fundit në privilegje.
Vuçiç theksoi se prioritet në qeverisjen e tij do të jetë paqja, stabiliteti dhe siguria në rajon dhe Europë.
"Betohem se do t'i kushtoj të gjitha përpjekjet e mia për ruajtjen e sovranitetit dhe të gjithë territorit të Republikës së Serbisë, përfshirë Kosovën si pjesë përbërëse të saj, si dhe ushtrimin e të drejtave dhe lirive të njeriut dhe të pakicave, respektimin dhe mbrojtjen e Kushtetutës dhe Ligjet, duke ruajtur paqen dhe prosperitetin e të gjithë qytetarëve," tha ai.
Përfshirja territoriale e Kosovës në territorin e Serbisë është në përputhje me preambulën më të lartë juridik të shtetit serb.
Sipas profesorit të Univeritetit të Drejtësisë dhe ekspertit të së drejtës kushtetuese Bogoljub Mirosavljeviq, Vuçiç thjesht i është përmbajtur asaj cka është thënë aty ndërsa nuk dihet se sa do të zbatohet një gjë e tillë, raporton Radio Europa e Lirë.
