Vuçiç ‘kokë më kokë’ me Putin, dy presidentët do të flasin për kontratat e gazit
Nga OraNews Përditësimi i fundit 29 Maj 2022, 09:54
Presidenti serb, Aleksandër Vuçiç, do të zhvillojë një bisedë telefonike me homologun e tij rus, Vladimir Putin ditën e sotme për kontratën e gazit.
Siç bëhet me dije marrëveshja për gazin mes dy vendeve skadon brenda dy vitesh.
Telefonata pritet të fillojë rreth orës 11:00.
Analistët në Serbi kanë pretenduar se biseda mes dy presidentëve mund të ndikojë në rritjen e presionit ndaj Beogradit nga ana e ndërkombëtarëve.
Serbia është i vetmi vend në rajonin tonë që nuk e ka dënuar agresionin rus në Ukrainë dhe ka dalë hapur në mbështetje të Rusisë, megjithëse thotë se po ruan neutralitetin.
