Turistëve s’ka kush t’u shërbejë, sezoni për bizneset në Shëngjin nisi me sfidën e plotësimit të stafit
Nga Elvis Hila Përditësimi i fundit 25 Maj 2022, 13:37
Sezoni turistik për bizneset në Lezhë nisi me sfidën e plotësimit të stafit. Numri i turistëve shënon rritje pas vit viti, por ata janë në vështirësi pasi nuk po gjejnë njerëz tu shërbejnë.
Kanë rritur pagat dhe kanë përmirësuar kushtet.
Por njoftimet e bizneseve të turizmit në Shëngjin për vende pune nuk marrin përgjigje.
“Ta paguash 450 mijë nuk është e vogël, por nuk pyet njeri.”
Sezoni turistik për ta nisi me sfidën e plotësimit të stafit.
“Është problem i madh për punëtorë, do t’i mbulojmë me familjen.”
Mungesa e punëtorëve është kthyer në shqetësim vitet e fundit.
“Kanë ikur dhe kanë emigruar. Këta që kanë mbetur...”
Operatorët turistike e lidhin me migrimin masiv të të rinjve.
Në zonat turistike të Lezhës sipas të dhënave zyrtare të Drejtorisë së Tatimeve operojnë 334 biznese.
Numri I të punësuarve gjatë verës shkon në 10 mijë persona.
